“ადგილობრივი თვითმმართველობის არჩევნებში დამაჯერებელი გამარჯვება მოიპოვა ფულმა და ძალაუფლებამ, დამარცხდა თავისუფლება და თვითმმართველობა,” ასე აფასებს “შენების მოძრაობის” ლიდერი დავით უსუფაშვილი არჩევნებს.

მისი განცხადებით, 2013 წლის საპრეზიდენტო არჩევნებთან შედარებით, წლევანდელ თვითმმართველობის არჩევნებში მოსახლეობის თავისუფლება შეზღუდული იყო. “შენების მოძრაობის" ლიდერი პარტიის შედეგებსაც აფასებს და ამბობს, რომ პარტიისთვის პირველი საარჩევნო შედეგი დამაკმაყოფილებელია.