,,მოამბისთვის” ცნობილი ხდება რამდენიმე ახალი დეტალი ცენტრ-პოინტის გახმაურებული საქმიდან. ჩვენს ჟურნალისტთან პირველად საუბრობს სამშენებლო კომპანია ,,კრწანისი-ვილა-რეზიდენსის” წარმომადგენელი, რომელიც ცენტრ-პოინტს, მის მიერ ინვესტორად დასახელებულ ,,ემ-კვადრატსა” და ასეულობით დაზარალებულ მოქალაქეს შორის შუამავლის ფუნქციას შეასრულებს. დეველოპერული კომპანია პირობას დებს, რომ მოლაპარაკებების წარმატებით დასრულების შემთხვევაში ყველა დაზარალებულის დაკმაყოფილება მოხდება. თუმცა მრავალწლიან დავაში ახალი შუამავლის გამოჩენა მენაშენეებს შორის კითხვებს და ეჭვებს აჩენს.