აფხაზეთის დე-ფაქტო რეჟიმის მხრიდან მორიგი პროვოკაციული გზავნილი ისმის.

ოკუპირებულ რეგიონში არალეგალების ჯგუფია დაკავებული. არაღიარებული ხელისუფლების მტკიცებით, ეგვიპტის, სომალის, სუდანის და იემენის მოქალაქეები თბილისიდან სოხუმის გავლით ევროპის ქვეყნებში შეღწევას ცდილობდნენ.

ე.წ. ძალოვანი უწყებების წარმომადგენლების განცხადებებს მწვავე რეაქცია მოჰყვა ცენტრალური ხელისუფლების მხრიდან. ოფიციალური თბილისი დე-ფაქტო რეჟიმს ცრუ ინფორმაციის გავრცელებაში ადანაშაულებს და იმ გარემოებებზე მიუთითებს, რაც თვითაღიარებული ხელისუფლების ვერსიას ეჭვქვეშ აყენებს.