თბილისის სააპელაციო სასამართლო დღეს მცხეთის რაიონული სასამართლოს 25 ოქტომბრის გადაწყვეტილებაზე იმსჯელებს. საუბარია განაჩენზე, რომლის თანახმად, თიანეთის ოლქში მერობის კანდიდატმა თამაზ მეჭიაურმა გაიმარჯვა.

აღნიშნულს ოთხი სუბიექტი, მათ შორის “ქართული ოცნების” მერობის კანდიდატი ლელა ქიტესაშვილი ასაჩივრებს. სასამართლომდე საქმე მას შემდეგ მივიდა, რაც არჩევნების დასრულების შემდეგ შემაჯამებელ ოქმში ცვლილება შევიდა. კერძოდ, ცესკო-ს თავდაპირველ მონაცემებში, გამარჯვება ერთი ხმის უპირატესობით მეჭიაურმა მოიპოვა, თუმცა მოგვიანებით, 5 სადავო ბიულეტენის აღდგენის შემდეგ, მოგებული მმართველი გუნდის კანდიდატი გახდა.