ნატო სამეთაურო სტრუქტურის რეფორმირებას გეგმავს. ალიანსში ადასტურებენ, რომ აღნიშნულ საკითხს ნოემბერში წევრი ქვეყნების თავდაცვის მინისტრები განიხილავენ. ამჟამად ნატო-ში მიმდინარეობს მუშაობა, რომ სამხედრო აღჭურვილობის ტრანზიტისთვის ეროვნული ინფრასტრუქტურა და ადმინისტრაციული სტანდარტები გაუმჯობესდეს.

დასავლური მედიის ინფორმაციით, 8-9 ნოემბრის მინისტერიალზე მიღებული იქნება გადაწყვეტილება ორი ახალი სამეთაურო დანაყოფის შექმნასთან დაკავშირებით, რომელიც ლოჯისტიკასა და მომარაგების მარშრუტების უსაფრთხოებაზე იქნება პასუხისმგებელი.