იაპონიის საპარლამენტო არჩევნებში გამარჯვება პრემიერ-მინისტრ, შინძო აბეს კოალიციამ მოიპოვა. გამარჯვებული კოალიცია საკანონმდებლო ორგანოში მანდატების ორ მესამედს მიიღებს.
ვადამდელი არჩევნები იაპონიაში სექტემბერში დაინიშნა. ქვეყნის მთავრობაში ამბობენ, რომ პრემიერ-მინისტრის მანდატის გაზრდა არსებული საფრთხეების გამოა აუცილებელი. დამაჯერებელი გამარჯვება პრემიერ-მინისტრს შესაძლებლობას აძლევს, მეორე მსოფლიო ომის შემდგომ მიღებულ პაციფისტურ კონსტიტუციაში ცვლილებები შეიტანოს. ეგზიტპოლები შედეგების გამოქვეყნების შემდეგ, მთავრობის მეთაურმა პირობა დადო, რომ ჩრდილოეთ კორეისგან მომდინარე საფრთხეს ძლიერი დიპლომატიური ჩართულობით გაუმკლავდება.
შინძო აბე ღიად ემხრობა შეიარაღებული ძალების არსებობის ფორმალიზებას და თავდაცვისუნარიოანობის გაძლიერების აუცილებლობაზე საუბრობს. კრიტიკოსების აზრით, პრემიერ-მინისტრის გადაწყვეტილება რე-მილიტარიზაციისკენ გადადგმული ნაბიჯია.