თვითმმართველობის არჩევნებზე რეგისტრირებული 3 მილიონ 440 ათასზე მეტი ამომრჩევლის 45, 65-მა პროცენტმა გუშინ საარჩევნო ყუთებთან საკუთარი არჩევანი გააკეთა. თუმცა ცესკოს ამ დროის მონაცემების გათვალისწინებით, 5 მუნიციპალიტეტში და 1 თვითმმართველ ქალაქში მოსახლეობას არჩევნებზე მისვლა კიდევ ერთხელ მოუწევს.

მოქალაქეებმა ქუთაისში არჩევანი „ქართული ოცნების“ კანდიდატს გიორგი ჭიღვარიასა და „ნაციონალური მოძრაობის“ კანდიდატს გრიგოლ ვაშაძეს შორის მოუწევს. ჭიღვარიას – 48, 61% აქვს, ვაშაძეს კი – 27, 05%.

ყაზბეგში „ქართული ოცნების“ კანდიდატს ალექსანდრე ზაგაშვილს 44, 61% აქვს, ხოლო სანდრო ყამარაულს, დემოკრატიული მოძრაობა- თავისუფალი საქართველოდან 26, 88%.

კიდევ ერთი ქალაქი ხაშურია, სადაც სავარაუდოდ მეორე ტური გაიმართება – „ქართული ოცნების“ კანდიდატი გიორგი გურასპასვილი 41, 54%-ით, დამოუკიდებელ კანდიდატს რამაზ ნოზაძეს დაუპირისპირდება, რომელსაც 18, 59% აქვს.

ბორჯომი – „ქართული ოცნება“ ლევან ლიპარტია – 40, 54%, „პატრიოტთა ალიანსი“ – ზაზა ჩაჩანიძე – 40, 23

ოზურგეთი – „ქართული ოცნება“ ბეგრალ სიორიძე – 43, 38%, დამოუკიდებელი კანდიდატი – კოანსტანტინე შარაშენიძე – 41, 76%

მარტვილი – ალექსანდრე გრიგალავა „ქართული ოცნებიდან „– 49, 76%, მამუკა დანელია „ნაციონალური მოძრაობიდან“ – 35, 81%-ით.

მეორე ტურები არჩევნების თარიღიდან არა უგვიანეს 25-ე დღისა უნდა დაინიშნოს.