"ქართული ოცნების" თბილისის მერობის კანდიდატის კახი კალაძესთან მიმართ ინტერესი მნიშვნელოვანია და ცესკო-ს საბოლოო შედეგებს დაველოდებით, როცა ოფიციალურად გახდება ცნობილი, თუ ვის სასარგებლოდ გააკეთა არჩევანი საზოგადოებამ, - ამის შესახებ დღეს გამართულ პრესკონფერენციაზე პარტია „ქართული ოცნების“ საარჩევნო შტაბის ხელმძღვანელმა, არჩილ თალაკვაძემ განაცხადა.
დეპუტატის თქმით, ხელისუფლების დაკვირვებით, საარჩევნო დღემ მშვიდ ვითარებაში, არსებითი დარღვევის გარეშე ჩაიარა.
„ჩვენს მხარდამჭერებთან წინასწარი შეხვედრები გვქონდა და მათ როგორც კანდიდატები, ასევე წინასაარჩევნო პროგრამა გავაცანით. ამიტომ აქტიურობა, რომელიც დღეს იყო, ადასტურებს იმას, რომ არჩევნების, ჩვენი პროგრამისა და კანდიდატ კახი კალაძესთან მიმართებაში ინტერესი მნიშვნელოვანია და ცესკო-ს საბოლოო შედეგებს დაველოდებით, როცა ოფიციალურად გახდება ცნობილი, თუ ვის სასარგებლოდ გააკეთა არჩევანი საზოგადოებამ“, - განაცხადა თალაკვაძემ.