10:30 საათისათვის, განვითარებისა და დემოკრატიის ცენტრის (CDD) სადამკვირვებლო მისიის შეფასებით, საარჩევნო უბნების გახსნისა და კენჭისყრის პროცესი მშვიდ და ორგანიზებულ გარემოში მიმდინარეობს.
არასამთავრობო ორგანიზაციის ცნობით, დაფიქსირდა მცირე პროცედურული დარღვევების ერთეული შემთხვევები. სადამკვირვებლო მისიის წარმომადგენლებს არ შექმნიათ არავითარი დაბრკოლება გამონაკლის შემთხვევებში შექმნილ საარჩევნო უბნებზე დაშვების კუთხით, რაც გასულ წლებთან შედარებით, დადებითი ტენდენციაა.
„აქვე გვინდა მოვუწოდოთ ამომრჩეველს, გამოიჩინოს სამოქალაქო პასუხისმგებლობა, მივიდეს არჩევნებზე და დააფიქსიროს საკუთარი პოზიცია.
ორგანიზაცია სპეცუბნების გაუქმების შემდეგ, 25 ოლქში გადანაწილებული ძალოვანი უწყების თანამშრომლების ხმის მიცემისა და ექვს საარჩევნო ოლქში (გლდანში, რუსთავში, მცხეთაში, წყალტუბოში, ქუთაისსა და ბათუმში) გამონაკლის შემთხვევებში შექმნილ უბნებში აკვირდება ხმის მიცემის პროცედურას“, - განაცხადა ქეთევან ჩაჩავამ.