აუდიტის სამსახურის მიერ ოზურგეთის მუნიციპალიტეტის 2012-213 წლების შემოწმებისას გამოვლენილი დარღვევების მიუხედავად, დადებითი დასკვნაა გაცემული - ამის შესახებ „ახალგაზრდა ფინანსისტთა და ბიზნესმენთა ასოციაციის“ (აფბა) ვიცე-პრეზიდენტი გიორგი კაპანაძე აცხადებს. მისივე თქმით, გასულ წლებში აუდიტის სახელმწიფო სამსახურის მიერ მუნიციპალიტეტების საფინანსო-ეკონომიკური საქმიანობის შესაბამისობის აუდიტისას ხშირ შემთხვევაში, ანგარიშის დასკვნითი ნაწილი არ შეესაბამება დასკვნის შინაარსს. აფბას შეფასებით, სწორედ ამის მაგალითად გამოდგება ოზურგეთის მუნიციპალიტეტის 2012-213 წლების საფინანსო-ეკონომიკური საქმიანობის აუდიტის ანგარში, რომელიც 2014 წლის დეკემბრით თარიღდება. გიორგი კაპანაძის თქმით მასში აღწერილი ფაქტები არსებითად არის აცდენილი დასკვნის შინაარსს. აფბა იმედს გამოთქვამს, რომ აუდიტის სამსახურის ახალი მენეჯმენტის ერთ-ერთი მთავარი გამოწვევა შემდგომი საქმიანობისას სწორედ მსგავსი შეუსაბამობის აღმოფხვრა იქნება.