თითქმის 6-საათიანი განხილვის შემდეგ, საპარლამენტო უმრავლესობამ პრეზიდენტის მოტივირებულ შენიშვნებს მხარი არ დაუჭირა. გიორგი მარგველაშვილის რიგით მეათე ვეტო დაძლეულია.

6-პუნქტიანი მოტივირებული შენიშვნების წინააღმდეგ ხმა 110-მა დეპუტატმა მისცა. საკონსტიტუციო ცვლილებების პირვანდელ ვერსიას მხარი 117-მა კანონმდებელმა დაუჭირა, წინააღმდეგი იყო 7 დეპუტატი.

კენჭისყრაში მონაწილეობა არ მიუღია "ერთიან ნაციონალურ მოძრაობას". საკუთარი პოზიციის დაფიქსირების შემდეგ ოპოზიციის წევრებმა სხდომათა დარბაზი დატოვეს.

კენჭისყრამდე პრეზიდენტის მოტივირებული შენიშვნების გაზიარებისკენ, საკანონმდებლო ორგანოს წევრებს, პრეზიდენტის საპარლამენტო მდივანი ანა დოლიძე მოუწოდებდა.

შორენა ხვიჩია განაგრძობს თემაზე საუბარს.