ცნობილი ხდება ტელეკომპანია "იმედის" წილების გასხვისების დღემდე უცნობი დეტალები.

ნოტარიუსის შემდეგ მაშინდელი მაღალჩინოსნების მხრიდან ზეწოლის და მუქარის ფაქტს პროკურატურის კიდევ ერთი მოწმე ადასტურებს.

სასამართლოს ჩვენება ბადრი პატარკაციშვილის ყოფილმა ბიზნესპარტნიორმა მისცა.

"იმედის" სამეთვალყურეო საბჭოს ექსთავმჯდომარემ, გიორგი ჯაოშვილმა ტელევიზიის წილების გადაფორმების დღე გაიხსენა და პროცესის მონაწილე პირებიც დაასახელა. მოწმის მონაყოლის მიხედვით, ანალოგიური სცენარი განმეორდა მთაწმინდის პარკის შემთხვევაშიც.