თვითმმართველობა 2017-ის რიგით მეშვიდე გადაცემას ახალციხე მასპინძლობს. დღეს საზოგადოებრივი მაუწყებლის პირდაპირ ეთერში, მერობის კანდიდატები, წინასაარჩევნო პროგრამაზე ისაუბრებენ და საზოგადოებისთვის მნიშვნელოვან კითხვებს უპასუხებენ.

დღევანდელ გადაცემაში ხუთი პოლიტიკური პარტიის: ქართული ოცნების, ნაციონალური მოძრაობის, ევროპული საქართველოს, პატრიოტთა ალიანსისა და ზვიად გამსახურდიას გზის წევრები მიიღებენ მონაწილეობას.

წინასაარჩევნო დებატები პირდაპირ ეთერში კვირაში სამჯერ, საღამოს 21 საათზე იწყება. პროექტის უმთავრესი მიზანია: უზრუნველყოს მოქალაქეების მაქსიმალურად სრული და ყოველმხრივი ინფორმირება არჩევნებში მონაწილე პარტიების, კანდიდატების და მათი პროგრამების შესახებ; უზრუნველყოს საქართველოს რეგიონების მაქსიმალური ჩართულობა გადაცემაში; წარმოაჩინოს ადგილობრივ მცხოვრებთა პრობლემები, რომელთა გადაჭრის გზებზე იმართება დებატები საარჩევნო სუბიექტებს შორის.

პროექტი სულ 15 გადაცემას მოიცავს, აქედან 4 თბილისიდან, დანარჩენი 11 კი რეგიონებიდან გადაიცემა.