ქუთაისის საკრებულოს თავმჯდომარეს, დავით დვალს, მის მოადგილეს ბექა ყანჩელს და საკრებულოს თავმჯდომარის მძღოლს რევაზ კუტალაძეს ქუთაისის საქალაქო სასამართლომ 1000-1000 ლარიანი გირაო შეუფარდა.
საქმე ეხება 2015 წლის 1 ოქტომბერს მომხდარ ფაქტს, როცა საზოგადოებრივი ინტერესების დაცვის ცენტრის დირექტორი სულხან ქობულაძე ჯერ გაიტაცეს, შემდეგ კი სცემეს.
თავდასხმაში ეჭვმიტანილები ქუთაისის საკრებულოს თავჯდომარე დავით დვალი და მისი მოადგილე ბექა ყანჩელი იყვნენ. სულხან ქობულაძე პირველ არხთან საუბრისას იხსენებს, რომ 2 წლის წინ 1 ოქტომბერს სოციალურ ქსელში გამოაქვეყნა სტატუსი, სადაც ქუთაისის საკრებულოს თავმჯდომარეს ყვარყვარე უწოდა. საკრებულოს თავმჯდომარესთან დაკავშირება კი ვერ ხერხდება.
საკრებულოს აპარატის თანამშრომლები სასამართლოს გადაწყვეტილების შესახებ ინფორმაციას არ ფლობენ.