კატალონიის ავტონომიური მთავრობა დამოუკიდებლობის ე.წ. რეფერენდუმისთვის მზადებას მაინც განაგრძობს, მიუხედავად დაძაბული ვითარებისა და საკონსტიტუციო სასამართლოს გადაწყვეტილებისა, რომლის თანახმად, რეფერენდუმი არაკონსტიტუციურია.

ესპანეთის ერთ-ერთ ყველაზე დიდ ავტონომიაში საზოგადოების აზრი ორადაა გაყოფილი. ავტონომიური მთავრობის მეთაური ცალმხრივად დამოუკიდებლობის გამოცხადებას უარყოფს, თუმცა კატალონიის მმართველ, დამოუკიდებლობის მომხრე კოალიციაში მაინც აცხადებენ,რომ თუ მადრიდი რეფერენდუმის შედეგებს არ აღიარებს, კატალონიის მთავრობამ დამოუკიდებლობა ცალმხრივად მაინც უნდა გამოაცხადოს.