კატალონიის ქალაქ ბარსელონაში რეფერენდუმის მხარდამჭერ აქციას ასი ათასამდე ადამიანი დაესწრო, - წერს BBC. დემონსტრაცია მონჟუიკის შადრევანთან მდებარე მოედანზე გაიმართა. დამოუკიდებლობის რეფერენდუმისადმი მიძღვნილ აქციას ესწრებოდნენ სტუდენტები, პენსიონერები, ასევე ოჯახები ბავშვებით, რომელთა უმრავლესობას ხელში ესტელდა, იგივე კატალონიის დამოუკიდებლობის მხარდამჭერთა არაოფიციალური დროშა ეჭირათ.
დემონსტრაცია მშვიდობიანად დასრულდა. აქცია-კონცერტზე სიტყვით გამოსვლისას, კატალონიის პრეზიდენტმა, კარლეს პუიჩდემონმა მოსახლეობას რეფერენდუმზე მისვლისკენ და ისტორიის ცვლილებისკენ მოუწოდა.
კატალონიის ხელმძღვანელობის გადაწყვეტილებით, დამოუკიდებლობის რეფერენდუმი პირველ ოქტომბერს ტარდება. კატალონიის გადაწყვეტილებას ესპანეთის ხელისუფლება უკანონოს უწოდებს.