ქუთაისის ცენტრალურ პარკში „მეცნიერებისა და ინოვაციების“ ფესტივალის ფარგლებში, ყველაზე უჩვეულო სამეცნიერო პიკნიკი გაიმართა.

პიკნიკზე წარმოდგენილი “საბავშვო მეცნიერებისა” და “ინოვაციური პროექტების” გამოფენები ყველა ასაკის ბავშვის ინტერესებზე იყო მორგებული. დამთვალიერებლებმა უამრავი საინტერესო სამეცნიერო ექსპერიმენტი, გამოგონება და სახალისო ცდები იხილეს ქიმიიდან, ფიზიკიდან, ბიოლოგიიდან.

მოზარდებს შესაძლებლობა ჰქონდათ თავად ჩაეტარებინათ მსგავსი ექსპერიმენტები და მათთვისაც თვალსაჩინო გამხდარიყო ბევრი მანამდე ამოუხსნელი მოვლენა.