ნიკო ნიკოლაძის ისტორიულ კოშკზე დაწყებული სარეკონსტრუქციო სამუშაოები დღეს მისმა შთამომავალმა, პოლიტიკოსმა სალომე ზურაბიშვილმა დაათვალიერა.

საზოგადოების ნაწილი ძეგლზე დაწყებული სამუშაოებით უკმაყოფილოა და აცხადებს, რომ რესტავრაცია მას პირვანდელ სახეს დაუკარგავს.

სალომე ზურაბიშვილი სარეაბილიტაციო სამუშაოების ჩატარებას მიესალმება, თუმცა ბევრი კითხვა აქვს და ვითარებაში გარკვევას გეგმავს.

დეპუტატს დღეს ადგილობრივი ხელისუფლების წარმომადგენლები და მშენებლები შეხვდნენ. სარეაბილიტაციო სამუშაოებთან დაკავშირებით, ხელისუფლების წარმომადგენლები კომენტარზე უარს აცხადებენ.