იუსტიციის უმაღლესი საბჭო თბილისის საქალაქო სასამართლოს სისხლის სამართლის საქმეთა საგამოძიებო, წინასასამართლო სხდომისა და არსებითი განხილვის კოლეგიის თავმჯდომარის შერჩევის საკითხზე მომავალ კვირას იმსჯელებს.

გადაწყვეტილება საბჭომ ხმათა უმრავლესობით მიიღო. მიზეზად კანდიდატებისთვის დამატებითი დროის მიცემა დასახელდა.

დღეს იუსტიციის საბჭომ, აღნიშნულ თანამდებობაზე ორ კანდიდატს მოუსმინა. გასაუბრება ჩატარდა, ბადრი შონიასთან, რომელიც აღნიშნული კოლეგიის თავმჯდომარის მოვალეობის შემსრულებელია და თეიმურაზ გოგოხიასთან, რომელიც თბილისის საქალაქო სასამართლოს თავმჯდომარემ, ვასილ მშვენიერაძემ კანდიდატად დაასახელა.

მანამდე, თბილისის საქალაქო სასამართლოს გაერთიანებული კოლეგიის თავმჯდომარის შერჩევის საკითხს იუსტიციის უმაღლეს საბჭოში, შელაპარაკება მოჰყვა.