დღეს საქართველოს ეროვნულ საფეხბურთო ლიგაში 27-ე ტურის და მესამე წრის მთავარი დაპირისპირება გაიმართება - ქუთაისის რამაზ შენგელიას სახელობის სტადიონი „ქართულ დერბის“ უმასპინძლებს - „ტორპედო“ თბილისის „დინამოს“ შეხვდება.

მატჩის პირდაპირ ტელერეპორტაჟს პირველი არხი 20:30 საათზე შემოგთავაზებთ.

ეროვნულ ლიგაში 27-ე ტურის ოთხი შეხვედრა გაიმართა: „საბურთალომ“ ქობულეთის „შუქურა“ 3:2 დაამარცხა, ფოთის „კოლხეთი 1913-მა“ საშინაო შეხვედრაში 0:2 წააგო ბათუმის „დინამოსთან“, თბილისის „ლოკომოტივმა“ კონკურენტი საჩხერის „ჩიხურა“ 3:0 დაამარცხა და მეოთხე ადგილზეა.

მოულოდნელად დამარცხდა „სამტრედია“. მოქმედი ჩემპიონი გორის „დილამ“ 2:1 დაამარცხა.