პარტია „ევროპული საქართველოს“ თბილისის მერობის კანდიდატმა ელენე ხოშტარიამ დევნილებთან ერთად ლტოლვილთა სამინისტროსთან აქცია გამართა.

მოთხოვნა იძულებით გადაადგილებულ პირთა სოციალური და საცხოვრებელი პირობების გაუმჯობესებაა.

ელენე ხოშტარია აქციის მონაწილეთა ნაწილთან ერთად სამინისტროშიც შევიდა. მათ შეხვედრა მინისტრის პირველ მოადგილესთან გამართეს.

გრიგოლ გიორგაძე აცხადებს, რომ სამინისტრო დევნილთა პირობების გაუმჯობესებაზე ყოველდღიურ რეჟიმში მუშაობს და პრობლემები ეტაპობრივად გადაიჭრება.