გაეროს გენერალურ ასამბლეაზე სიტყვით გამოვიდა სერგეი ლავროვი. რუსეთის საგარეო საქმეთა მინისტრის განცხადებით, “ნატო ცდილობს ცივი ომის კლიმატის აღდგენას, პოსტ-საბჭოთა სივრცეში კი დასავლეთი ანტირუსულ სენტიმენტებს აძლიერებს და ამ ჭრილში უნდა განვიხილოთ უკრაინის კონფლიქტიც”.

ლავროვის თქმით, უკრაინაში არსებული ვითარების მიუხედავად, ტერიტორიაზე გაეროს სამშვიდობოების განთავსების ინიციატივით სწორედ რუსეთის პრეზიდენტი გამოვიდა.

მან მოიწონა აშშ-ის პრეზიდენტის გენერალურ ასამბლეაზე გაკეთებული განცხადება, რომელიც სახელმწიფოს სუვერენიტეტის დაცვის აუცილებლობას ეხებოდა. მიუხედავად ამისა ლავროვმა გააკრიტიკა აშშ-ის პოლიტიკა და სანქციები ირანის მიმართ.