ნიუ იორკში გაეროს გენერალური ასამბლეის ფარგლებში აშშ-სა და უკრაინის პრეზიდენტების პირისპირ შეხვედრა შედგა.

პოროშენკომ ამერიკის ლიდერთან შეხვედრის შემდეგ აღნიშნა, რომ აშშ სრულად უჭერს მხარს უკრაინის პოზიციას დონბასში გაეროს სამშვიდობო მისიის განთავსების შესახებ.

აღნიშნულ ინიციატივაზე მან გაეროში სიტყვით გამოსვლისას ისაუბრა. უკრაინის პრეზიდენტის თქმით, აშშ მხარს უჭერს გაეროს მისიის მანდატს აღმოსავლეთ უკრაინის მთელ ოკუპირებულ ტერიტორიაზე, მათ შორის უკრაინა-რუსეთის საზღვრის არაკონტროლირებად ზონებში.