პროკურატურა 14 ყოფილი მსჯავრდებულის საქმის გადახედვას იწყებს. სწორედ ამ მიზნით უწყება სააპელაციო სასამართლოს მიმართავს.

საუბარია 2006 წელს კონსტიტუციური უსაფრთხოების დეპარტამენტის მიერ ჩატარებულ სპეცოპერაციაზე, რის შედეგადაც ხელისუფლების დამხობის მცდელობისთვის 14 პირი დამნაშავედ ცნეს.

დაკავებულებს შორის იყვნენ იგორ გიორგაძის თანაპარტიელები, მოძრაობა „სამართლიანობის“ წევრები, ასევე პარტია „იმედის“ წარმომადგენლები, „21 -ე საუკუნე -ენა მამული სარწმუნოების“ და „კონტიტუციურ მონარქისტული პარტიის“ წევრები.

თუმცა 11 წლის შემდეგ გამოძიება ამბობს, რომ მაშინ ეს სპეცოპერაცია უსაფუძლოდ ჩატარდა და ერთ-ერთი პარტიის ოფისში ცეცხლსასროლი იარაღი თავად სამართალდამცველებმა დააწყვეს.

ასევე, ახლად გამოვლენილ გარემოებას შორის ყოფილი სამართალდამცველების ახალი ჩვენებებიც სახელდება.