ნაციონალური მოძრაობის მერობის კანდიდატი ზალიკო უდუმაშვილი და მაჟორიტარი დეპუტატობის კანდიდატი გივი კუბლაშვილი დიღმის მასივის პირველ კვარტალში მცხოვრებ სოციალურად დაუცველ ქეთევან როსტიაშვილს ესტუმრნენ.
პენსიონერს, რომელსაც ინსულტის გამო დამოუკიდებლად გადაადგილება არ შეუძლია, სამი თვის წინ სოციალური დახმარება მოუხსნეს. მიზეზად კი საცხოვრებელი ფართის რაოდენობა და 1992 წელს დაგებული პარკეტი დასახელდა.
ქალბატონი ქეთევანის ნათესავებმა არაერთხელ მიმართეს შესაბამის სამსახურებს, თუმცა, მიუხედავად დაპირებისა, ამ მოთხოვნას რეაგირება არ მოჰყოლია.
ზაალ უდუმაშვილმა თბილისის მერიასა და ცენტრალურ ხელისუფლებას აღნიშნული ფაქტით დაინტერესებისკენ მოუწოდა.