ლონდონი მორიგი ტერორისტული თავდასხმის სამიზნე გახდა. „პარსონ-გრინის“ მეტროსადგურში ასაფეთქებელი მოწყობილობა დღის ყველაზე დატვირთულ მონაკვეთში, იმ დროს ამოქმედდა, როდესაც მშობლებს ბავშვები სასწავლებელში მიჰყავდათ. შემთხვევის შედეგად 22 ადამიანი დაშავდა.

პოლიციამ მომხდარს უკვე მიანიჭა ტერაქტის კვალიფიკაცია, თუმცა ამ ეტაპზე ეჭვმიტანილის შესახებ ინფორმაცია არ ვრცელდება. ტერაქტზე პასუხისმგებლობა ჯერჯერობით არავის აუღია.

პარალელურად ცნობილი ხდება, რომ რამდენიმე წუთის წინ ბირმინგემში ერთ-ერთ მეტროსადგურთან დანით შეიარაღებული პირი დააკავეს.