„ქართული ოცნების“ თბილისის მერობის კანდიდატმა კახი კალაძემ დღეს კიდევ ერთხელ უპასუხა ოპონენტების ბრალდებებს და ჟურნალისტების შეკითხვას, რომელიც ნუცუბიძეზე მდებარე მისი კუთვნილი მიწის „არქი ჯგუფისთვის“ გადაცემას და იქ მაღალსართულიანი საცხოვრებელი კორპუსის მშენებლობას ეხებოდა.

კალაძე განმარტავს, რომ წლების განმავლობაში ის მაღალანაზღაურებადი ფეხბურთელი იყო და მიწა საკუთრი შემოსავლებით შეიძინა, მოგვიანებით კი სამშენებლო კომპანია „არქი ჯგუფს“ მიჰყიდა და მიზანმიმართულად ვრცელდება არასწორი ინფორმაცია, თითქოს ტერიტორიაზე დასაშვები სამსართულიანი კორპუსის ნაცვლად,, რვასართულიანის მშენებლობის უფლება გავლენებითა და კორუფციული გარიგებების საფუძველზე მოიპოვა.