საქართველოში ადგილობრივი თვითმმართელობის არჩევნებსა და წინასაარჩევნო პერიოდს ეუთო რამდენიმე ათეული ექსპერტის მეშვეობით დააკვირდება. სადამკვირვებლო მისიის ძირითადი ჯგუფი 14 თბილისში მყოფი ექსპერტისგან შედგება. ორშაბათს კი საქართველოში 22 გრძელვადიანი დამკვირვებელი ჩამოვა და საქართველოს მასშტაბით გადანაწილდება.

არჩევნებამდე რამდენიმე დღით ადრე კი ეუთო-ს მონაწილე ქვეყნებიდან 350 დამკვირვებელი ეწვევა საქართველოს. ეუთო-ს მისია საქართველოში მუშაობის დროს შუალედურ ანგარიშს გამოაქვეყნებს, ხოლო არჩევნებიდან 8 კვირაში მისიის საბოლოო დასკვნა და რეკომენდაციები გახდება ცნობილი, რომელიც განსახილველად საქართველოს მთავრობას გადაეგზავნება. განცხადება წინასწარი შედეგებისა და დასკვნების შესახებ არჩევნების მომდევნო დღეს, პრესკონფერენციაზე გაკეთდება.

მისია არჩევნებს შეაფასებს დემოკრატიული არჩევნებისთვის განსაზღვრულო ეუთო-სა და სხვა საერთაშორისო სტანდარტების მიხედვით. დამკვირვებლები მონიტორინგს გაუწევენ კანდიდატებისა და ამომრჩევლების რეგისტრაციას, საარჩევნო კამპანიას, საარჩევნო ადმინისტრაციას, სამთავრობო ორგანოების საქმიანობას, არჩევნებთან დაკავშირებულ დავებსა და მედიას. იგეგმება მედიამონიტორინგი.

სადანკვირვებლო მისიის პერიოდში, ეუთო-ს წარმომადგენლები შეხვდებიან სახელმწიფო და პოლიტიკური პარტიების წარმომადგენლებს, კანდიდატებს, სამოქალაქო სექტორსა და მედიას.

არჩევნების დღეს კი დამკვირვებლები მონიტორინგს მთელს პროცესს გაუწევენ.