სექტემბერი 13, 2017
დემირელის სკოლის მოსწავლეთა მშობლებმა სასწავლებლისთვის ავტორიზაციის აღდგენის მოთხოვნით საქართველოს პრემიერ-მინისტრს განცხადებით მიმართეს.
როგორც მშობლები აცხადებენ, ვერ ახერხებენ ბავშვების სხვა კერძო სკოლებში გადაყვანას, რადგან გრანტით, რომლითაც დემირელის სკოლებში სწავლობდნენ სხვა სასწავლებლები არ იღებენ.
"უკანონოდ მოხდა ავტორიზაციის შეჩერება და ჩვენი შვილები სკოლის მიღმა დარჩნენ. 171 ბავშვი ვერ გადანაწილდა სხვა სკოლებში, რადგან არც ერთი სკოლა გრანტით არ იღებს" - განაცხადა ერთ-ერთმა მშობელმა დალი ყარაულაშვილმა.
როგორც განათლების სამინისტროში განმარტავენ, დემირელის კოლეჯის მოსწავლეებს სწავლის გაგრძელებას რვა კერძო სკოლა სთავაზობს და მათ აქვთ საშუალება სასურველი სკოლა თავად აირჩიონ.
მაჩვენე მეტი