უკრაინაში სასაზღვრო კონტროლის გარეშე შესულ მიხეილ სააკაშვილს ადმინისტრაციულ სამართალდარღვევას ედავებიან. საზღვრის უკანონოდ გადაკვეთის საქმეზე სასამართლო პროცესი 18 სექტემბრისთვის არის ჩანიშნული.
მუხლი, რომლითაც ოდესის ოლქის ყოფილი გუბერნატორის წინააღმდეგ გამოძიება მიმდინარეობს, ფულად ჯარიმას ითვალისწინებს.
ამ დრომდე ლვოვში მყოფი სააკაშვილის ადვოკატი არ გამორიცხავს, რომ სასამართლო განხილვის შემდეგ ექსპრეზიდენტის გაძევების პროცედურა დაიწყოს.
უკრაინის შინაგან საქმეთა სამინისტროს ოფიციალური პოზიცია ასეთია: პოროშენკოს ყოფილი მრჩეველი ქვეყანაში უკანონოდ იმყოფება, თუმცა მისი დაკავების საფუძველი არ არის. პარალელურად, გრძელდება ძიება სისხლის სამართლის კოდექსის ორი მუხლით. დაკავებულია ხუთი ადამიანი.
გურამ როგავა დეტალებით ლვოვიდან.
ამავე თემაზე, იხილეთ ჩართვა „მოამბის“ 18-საათიანი საინფორმაციო გამოშვებიდან.