ავღანეთში, ბაგრამის საავიაციო ბაზასთან მომხდარი თავდასხმის შედეგად ერთი ქართველი სამხედრო დაშავდა.

პირველი არხის ინფორმაციით, სამხედროს მსუბუქი დაზიანება აქვს მიღებული და მის სიცოცხლეს საფრთხე არ ემუქრება.

როგორც პირველ არხს თავდაცვის სამინისტროში განუცხადეს, აღნიშნულთან დაკავშირებით უწყება განცხადებას უახლოეს პერიოდში გაავრცელებს.

ინფორმაცია ავღანეთში, ბაგრამის ავიაბაზაზე მომხდარი თავდასხმის შესახებ სააგენტო „როიტერმა“ გაავრცელა.

სააგენტოს ინფორმაციით, ნატო-ს სამხედრო მისიის კოლონაზე აფეთქება თვითმკვლელმა ტერორისტმა განახორციელა.