გერმანიაში, ქალაქ ნაუმბურგსა და იენს შორის სარკინოგზო მაგისტრალის 30 კმ-იანი მონაკვეთი უდიდეს „სცენად“ იქცა. მატარებლის მგზავრებს სწორედ ამ მონაკვეთზე 50 მცირე წარმოდგენის ნახვის საშუალება ჰქონდა, რომელთა ხანგრძლივობაც მხოლოდ 5 წამი იყო, ანუ ის დრო, რაც მატარებლის კონკრეტული წარმოდგენის არეალის გავლისთვის სჭირდებოდა.

პროექტში 400 მოხალისე იყო ჩართული და 2 დღის განმავლობაში გრძელდებოდა. „მსახიობები“ ძირითადად, მიმდებარე დასახლების მცხოვრებლები იყვნენ.

მატარებლის მგზავრებს სრულიად მოულოდნელად, საშუალება მიეცათ, ენახათ მორბენალი ბუჩქები, მინდორში მდგარი შუქნიშნის წინ გაჩერებული ფეხით მოსიარულე, ვეშაპი და მეთევზე, „ჰაერში“ მავალი ველოსიპედისტი, მიტოვებული სახლი რომელიც წამებში ახალ სახლად იქცევა.

როგორც პროექტის ავტორები ამბობენ, ეს იყო რეალობისა და ფანტაზიის ნაზავი, რამაც მატარებლის მგზავრები, მათთვის მოულოდნელად ამ „უზარმაზარი“ 30 კმ. სიგრძის „სცენის“ მაყურებლებად აქცია.