ტეხასში სტიქიისგან მიყენებულ ზარალს ითვლიან. შტატის გუბერნატორის გრეგ ებოტის განცხადებით, ქარიშხალმა „ჰარვიმ“ ტეხასს 180 მილიარდი დოლარის ოდენობის ზარალი მიაყენა. წერს bbc.

ხელისუფლებამ კონგრესს დაზარალებული რეგიონისთვის პირველადი ხარჯების სახით 8 მილიარდამდე დოლარის გამოყოფის თხოვნით უკვე მიმართა. სტიქიას, რომელიც ქვეყნის სამხრეთ შტატებს გასულ კვირას დაატყდა თავს, სულ მცირე 47 ადამიანის სიცოცხლე ემსხვერპლა. 40 ათასზე მეტი უსახლკაროდ დარჩენილი კი ამ დრომდე თავშესაფარში რჩება.

შტატის გუბერნატორის შეფასებით, ზარალი ქარიშხალ “კატრინას” მიერ, ნიუ-ორლეანისთვის 2005 წელს მიყენებულ ზიანსაც აღემატება. საგანგებო სიტუაციების სააგენტოს ხელმძღვანელი კი ადგილობრივ ხელისუფლებას მოუწოდებს სტიქია ერთგვარ გაკვეთილად მიიღონ და მსგავსი სიტუაციებისთვის საკუთარი სარეზერვო ფონდები შექმნან.