აჭარაში ბათუმობის აღსანიშნად ყველაფერი მზად არის. ღონისძიებების მთავარი ადგილი ტრადიციულად ევროპის მოედანი და მემედ აბაშიძის გამზირი იქნება, ტერიტორია უკვე საზეიმოდ გააფორმეს.
ბათუმობის ფარგლებში ორი დღის განმავლობაში სხვადასხვა სანახაობაა დაგეგმილი. გაიმართება სახალხო სეირნობა, სპორტული და თეატრალური წარმოდგენები, მოეწყობა გამოფენები.
მრავალფეროვანია მუსიკალური ნაწილიც. დღეს სცენა და სახალხო სეირნობის ადგილი ქართულ მუსიკალურ ბენდებს დაეთმობა, ხვალ კი ღონისძიებებს ქართველი ვარსკვლავების გალა-კონცერტი დაასრულებს.
აჭარას სხვადასხვა ქვეყნის 8 დამეგობრებული ქალაქიდან, 25 წარმომადგენელი სტუმრობს. დღეს კიდევ ერთი დამეგობრების მემორანდუმი პოლონეთის ქალაქ ნისასთან გაფორმდა, რომელსაც ხელი ოფიციალურ მიღებაზე ორი ქალაქის მერმა მოაწერა.