აბასთუმანში შსს-ს საგანგებო სიტუაციების მართვის სააგენტოს, შსს-ს განსაკუთრებულ დავალებათა დეპარტამენტისა და დაცული ტერიტორიების სააგენტოს 1000-მდე თანამშრომელი ხანძრის ქრობის სამუშაოებს უწყვეტ რეჟიმში ახორციელებს. ცეცხლის ლოკალიზების პროცესში ჩართულია ავიაციაც. რთული რელიეფიდან გამომდინარე, ხანძრის კერებამდე სახანძრო-სამაშველო ტექნიკის მიყვანის მიზნით, გაიჭრა 5 კილომეტრამდე გზა.
გზის გაჭრის სამუშაოები ისევ გრძელდება. შს მინისტრი, გიორგი მღებრიშვილი სპეცტექნიკის, ასევე, ცეცხლის გავრცელების არეალში მეხანძრე-მაშველების მუშაობას ადგილზე გაეცნო.
ამ წუთებში შინაგან საქმეთა მინისტრი ხანძრის სალიკვიდაციო სამუშაოების მონიტორინგს ვერტმფრენით ახორციელებს.