ბორჯომის ხეობაში „მი-8“-ს ტიპის ვერტმფრენის ავარიულად დაშვებისას დაშავებული ოთხივე პირი საავადმყოფოდან გაეწერა. როგორც პირველი არხის კორესპონდენტს ღუდუშაურის საავადმყოფოში განუცხადეს, მათ ცოტა ხნის წინ დატოვეს სამედიცინო დაწესებულება.

დაშავებულები ღუდუშაურში პრევენციისა და შემდგომი გამოკვლევის მიზნით რამდენიმე საათის წინ მიიყვანეს. არსებული ინფორმაციით, სამი პირი ვერტმფრენში იმყოფებოდა, ერთი კი, დაშავებულების სამაშველო ღონისძიების დროს დაზარალდა.

ბორჯომის ხეობაში „მი-8“-მ ავარიული დაჯდომა დღეს, დილის საათებში განახორციელა. ფაქტზე გამოძიება შსს-მ სსკ-ს 275-ე მუხლის პირველი ნაწილით დაიწყო.