სტრასბურგის სასამართლოში წარსადგენი კანდიდატების ვინაობა ცნობილია. სამთავრობო კომისიამ დღევანდელ სხდომაზე მოსამართლეობის ოთხი კანდიდატი შეარჩია, რომელთა საკითხს ახლა უკვე საქართველოს მთავრობა განიხილავს და მათგან ორის კანდიდატურას უკვე ევროპულ სასამართლოს შესთავაზებს.

კანდიდატების შერჩევის პროცესში პროტესტის ნიშნად მონაწილეობა არ მიუღია არასამთავრობო ორგანიზაციების ნაწილს.

შედეგებით უკმაყოფილოა სახალხო დამცველი, რომელიც აცხადებს, რომ კონკურსი ხარვეზებით წარიმართა და კვალიფიციური კადრები ლიდერი პოზიციების მიღმა აღმოჩნდნენ.