ტეხასის შტატს ქარიშხალი ჰარვი უახლოვდება.

reuter-ის ინფორმაციით, სტიქია შესაძლოა, ბოლო 12 წლის განმავლობაში ყველაზე მძლავრი ქარიშხალი აღმოჩნდეს, რომელიც შეერთებული შტატების ტერიტორიაზე დაფიქსირდა. ტროპიკულ ციკლონს, რომელიც ამჟამად მექსიკის ყურეში მოძრაობს, უკვე ქარიშხლის პირველი კატეგორია აქვს მინიჭებული.

ქარის სიჩქარე საათში 153 კილომეტრს შეადგენს. ხმელეთთან მიახლოების დროს კი მისი სიჩქარე გაიზრდება და 3-ე კატეგორიას მიაღწევს.

ტეხასის შტატის 30-ვე ოლქში გუბერნატორმა სტიქიური უბედურების რეჟიმი გამოაცხადა. მიმდინარეობს დატბორვის საწინააღმდეგო ნაპირსამაგრი სამუშაოები. სტიქია წყალდიდობით ემუქრება ლუიზიანას შტატსაც, კერძოდ კი ქალაქ ნიუ ორლეანს, სადაც წყლის საქაჩი ხუთი სისტემიდან სამი დაზიანებულია, რის გამოც შტატის ხელისუფლება განიხილავს მოსახლეობის ნაწილის ევაკუაციის საკითხსაც. 2005 წლის აგვისტოში ნიუ ორლეანის 80% მე-5 კატეგორიის, ქარიშხალ კატრინას შედეგად დაიტბორა, რომელიც ყველაზე დამანგრეველი სტიქია აღმოჩნდა შეერთებული შტატების ისტორიაში.