ბათუმის საქალაქო სასამართლომ „თანასწორობის მოძრაობის“ წევრები ლევან ბერიანიძე და თორნიკე კუსიანი ხელწერილის საფუძველზე გაათავისუფლა.
პირველი არხის ჟურნალისტის ინფორმაციით, სასამართლო პროცესი ხვალისთვის გადაიდო.
დაკმაყოფილდა ორივე მხარის შუამდგომლობა, რომ პროცესზე ორივე მხარის მოწმეები დაიკითხონ.
დაცვის მხარემ საქმის დეტალების გასაცნობად დრო ითხოვა და სწორედ ეს გახდა სხდომის გადადების მიზეზი.
სასამართლო პროცესი 26 აგვისტოს, 12:00 საათისთვის ჩაინიშნა.
ბათუმში არასამთავრობო ორგანიზაცია „თანასწორობის მოძრაობის“ ორი წევრი დღეს დილით ბათუმში დააკავეს.
„თანასწორობის მოძრაობის“ ორი წევრი წინასწარი დაკავების იზოლატორში სახალხო დამცველის წარმომადგენელმა მოინახულა.
შსს-ს ინფორმაციით, ორგანიზაციის წევრები დაკავებულები არიან წვრილმანი ხულიგნობისა და პოლიციისადმი წინააღმდეგობის გაწევის მუხლებით.