რუსეთი ბელარუსში მასშტაბური სტრატეგიული სამხედრო წვრთნებისთვის ემზადება, მანამდე კი რუსეთის სამხრეთის სამხედრო ოლქის ქვედანაყოფი სამხედრო სწავლებას ოკუპირებული აფხაზეთის ტერიტორიაზე გადის, რომელშიც 3000-მდე სამხედრო მონაწილეობს.

ჩრდილოატლანიტურ ალიანსში განაცხადეს, რომ რუსეთი-ბელარუსის ერთობლივ წვრთნას ნატო-ს ორი სამხედრო ექსპერტიც დაესწრება.

ალიანსის მოთხოვნაა, ექსპერტებს სრული დაკვირვების უფლება მიეცეთ, რადგან ბელარუსში დაგეგმილი ტაქტიკური სამხედრო სწავლება სწორედ ნატო-ს წევრი ქვეყნების საზღვრებთან გაიმართება.