სამხრეთ ჩინეთში ტაიფუნ „ჰატოს“ 16 ადამიანის სიცოცხლე ემსხვერპლა.

სტიქიამ განსაკუთრებით დააზარალა ჰონგ-კონგი და სპეციალური ადმინისტრაციული რაიონი მაკაო. ყველაზე მეტი მსხვერპლი მაკაოს რაიონში აღინიშნა, სადაც ძლიერი ქარისა და წყალდიდობის გამო 8 ადამიანი დაიღუპა, 153 კი საავადმყოფოშია გადაყვანილი.

ჰონგ-კონგში ეკონომიკური ზარალი ამ დროისთვის მილიარდ დოლარს აჭარბებს. ქალაქში სხვადასხვა დაზიანებებით საავადმყოფოებში 120 ადამიანი მოათავსეს.

ჩინეთის სამხრეთში ტაიფუნმა სატრანსპორტო სისტემის პარალიზება გამოიწვია. მოძრაობა შეწყდა მაღალსიჩქარიან სარკინიგზო ხაზებზე, 4 ქალაქის აეროპორტებში კი 1000-მდე ფრენა გადაიდო. ძლიერი ტალღების შედეგად ჰონგ-კონგში ხიდები და პორტი დაზიანდა.