ზაზა ფაჩულია სარეაბილიტაციო კურსს გადის. საქართველოს საკალათბურთო ნაკრების კაპიტანი დღეს გამთენიისას გუნდთან ერთად საბერძნეთში გაემგზავრა.
როგორც გუნდის ექიმი აცხადებს, ზაზა ფაჩულიას, კვლევების შედეგად, საშუალო სიმძიმის ტრავმა აქვს და ის საბერძნეთში გასამართ ტურნირზე მონაწილეობას ვერ მიიღებს, თუმცა ევრობასკეტისთვის მწყობრში უნდა იყოს.
ეროვნული ნაკრების კაპიტანმა კოჭის ტრავმა სამი დღის წინ ვარჯიშზე მიიღო.
ილიას ზუროსის გუნდი კი 23-25 აგვისტოს ათენში აკროპოლისის საერთაშორისო ტურნირში მიიღებს მონაწილეობას, სადაც საბერძნეთის იტალიისა და სერბეთის ნაკრებებს შეხვდება.
საქართველოს ეროვნული ნაკრები ხვალ თბილისის დროით 22 საათზე მასპინძელ საბერძნეთს დაუპირისპირდება. მატჩების პირდაპირ ტრანსლაციას საზოგადოებრივი მაუწყებლის პირველი არხი შემოგთავაზებთ.