უახლოესი სამი დღის განმავლობაში საქართველოს მთელ ტერიტორიაზე უმეტესად უნალექო ამინდი და მაღალი ტემპერატურა შენარჩუნდება.

განსაკუთრებით მაღალი ტემპერატურა ფიქსირდება დასავლეთ საქართველოში, იმერეთისა და სამეგრელოს რეგიონებში. აქ გარკვეულ ადგილებში ჰაერის ტემპერატურა 34-39 გრადუსს მიაღწევს. შედარებით გრილი ამინდი იქნება დასავლეთ საქართველოს სანაპირო ზოლზე.

უმეტესად ცხელი და უნალექო ამინდია მოსალოდნელი აღმოსავლეთ საქართველოში. აქ ჰაერის ტემპერატურა 32-დან 37 გრადუსამდე აიწევს.

დედაქალაქში კი უახლოესი დღეების განმავლობაში 35 გრადუსი სიცხეა მოსალოდნელი.

სინოპტიკოსები უახლოესი რამდენიმე დღის განმავლობაში ტემპერატურის კლებას არ ელოდებიან.