სენეგალელი ნახევარმცველი, არფანგ დაფე, რომელიც ფოთის "კოლხეთმა" წელს ჩამოიყვნა, ირანულ გუნდში გაიპარა, - ამის შესახებ კოლხების დირექტორმა, თემურ ბარქაიამ განაცხადა.
"სენეგალელი ლეგიონერი ირანულ გუნდში ისე წავიდა, რომ ჩვენთვის არაფერი უთქვამს არც მას და არც ირანელები დაგვკავშირებიან, რაც ასეთ დროს ჩვეულებრივი ამბავია. ახლა დაფე სენტიმენტალურ მესიჯებს გვწერს, იქნებ, ჩემი მომავლისთვის დათმობაზე წახვიდეთო. შუა სეზონში საჭირო მოთამაშის წასვლას არ შევეგუებით. მით უმეტეს, რომ დაფეს "კოლხეთთან" კონტრაქტი 2018 წლის ბოლომდე აკავშირებს. ჩვენ მოთამაშეს და ირანულ კლუბს გარკვევით ვუთხარით; სენგელელის კონრაქტის ვადამდე გაწყვეტისთვის კომპენსაციის სახით 50 ათას დოლარს გადაიხდიან ან მომხდარზე ფიფას ვაცნობეთ და მოთამაშეს და 6-თვიანი დისკვალიფიკაციით დასჯიან", - ამბობს ბარქაია.