მსოფლიო შეძრულია, ესპანეთი სამძიმრის და სოლიდარობის წერილებს იღებს. აშშ, ევროპის წამყვანი ქვეყნები და საერთაშორისო ორგანიზაციები ბარსელონასა და კამბრილისში მომხდარ ტერაქტებს მწვავე განცხადებებით ეხმაურებიან.

გზავნილი ყველგან იდენტურია: მსოფლიო ლიდერები ტერორისტულ თავდასხმებს გმობენ და ტერორიზმის წინააღმდეგ ერთობლივი ბრძოლის გააქტიურებას გეგმავენ.

პრემიერის, პრეზიდენტის, პარლამენტის თავმჯდომარის და შინაგან საქმეთა მინისტრის სახელით სამძიმრის წერილები ვრცელდება საქართველოდანაც.