ნარკოდანაშაულის საქმეზე სპეცოპერაციების დროს დაკავებულები ბრალს არ აღიარებენ.


თბილისსა და ქვემო ფონიჭალაში ნარკოტიკების შეძენა-შენახვა-გასაღების ბრალდებით აყვანილმა აბასგულ გუსეინოვმა და ვიდად გუსეინოვმა დღევანდელ სასამართლო პროცესზე სამართალდამცავები ნარკოტიკული საშუალებების ჩადებაში და ფიზიკურ ზეწოლაში დაადანაშაულეს.

ინფორმაციას კატეგორიულად უარყოფს შინაგან საქმეთა სამინისტრო, რომელმაც ნარკოდანაშაულში ბრალდებულთა დასაკავებლად ბოლო ერთ კვირაში თბილისში უკვე ხუთი სპეცოპერაცია ჩაატარა.

უწყებამ დღეს ,,მოამბეს” პირველი ივლისიდან დღემდე გახსნილი ნარკოდანაშაულის საქმეების სტატისტიკაც გააცნო.