არ მივცემთ ირანს საშუალებას, რომ მთელი მსოფლიო მძევლად ჰყავდეს აყვანილი – ამის შესახებ გაერო-ში აშშ-ის მუდმივმა წარმომადგენელმა ნ​იკი ჰეილსმა განაცხადა.

ნ​იკი ჰეილის თქმით, საჭიროა, რომ ირანმა იგრძნოს პასუხისმგებლობა რაკეტების გაშვებისთვის, ტერორიზმის მხარდაჭერისთვის, ადამიანის უფლებების უპატივცემულობისთვის და გაერო-ს რეზოლუციების დარღვევისთვის.

მომდევნო კვირაში, ვენაში, ნიკი ჰეილი საერთაშორისო ატომური ენერგიის სააგენტოში გეგმავს ვიზიტს, სადაც ატომურ სფეროში ირანის მოქმედებას განიხილავს.

აშშ-ის წარმომადგენლის მკაცრი განცხადებები ირანის პრეზიდენტის კომენტარის შემდეგ გაკეთდა, რომელმაც განაცხადა, რომ თუ ვაშინგტონი სანქციების გაფართოებას არ შეწყვეტს, თეირანმა შესაძლოა, ბირთვული შეთანხმება დატოვოს.