"პატრიოტთა ალიანსის" ოფისში პოლიტსაბჭო სხდომა მიმდინარეობს.
პარტიის წევრებმა დღეს მერობის კანდიდატი უნდა შეარჩიონ. წარდგენილ ოთხ კანდიდატს შორის ერთ-ერთი ირმა ინაშვილია.
ირმა ინაშვილის თქმით, პოლიტსაბჭო და პარტია წყვეტს ვის დაუჭიროს მხარი და ვის არა.
"წინასაარჩევნო პერიოდია და პოლიტსაბჭო იკრიბება კვირაში რამდენჯერმე. დღევანდელ შეკრებაზე, ჩვენ შევარჩევთ თბილისის მერობის კანდიდატურას. ოთხი კანდიდატურაა წამოყენებული, მათ შორის ზოგი პარტიის ლიდერია, ზოგი არ არის პარტიის წევრი და ამ ოთხიდან შეირჩევა ერთი. არ ვმალავ ვადასტურებ, რომ ამ ოთხს შორის ერთ-ერთი ჩემი კანდიდატურაც განიხილება, მაგრამ ჩვენ მართლა დემოკრატიული პარტია ვართ, მართლა პოლიტსაბჭო და პარტია წყვეტს ვის დაუჭიროს მხარი და ვის არა. თუ მე დამიჭერენ მხარს , ჩემთვის დიდი პასუხისმგებლობა იქნება. ჩემზე უკეთესი კანდიდატურები გვყავს შერჩეული, რომლებიც თავს არიდებენ არჩევნებში მონაწილეობის მიღებას იმ მარტივი მიზეზის გამო, რომ არჩევნებისადმი რწმენა დაკარგული აქვთ. ძალიან ავტორიტეტული ხალხი ვნახეთ ვესაუბრეთ, დღესაც არის წარდგენილი ზოგიერთი მათგანი, განვიხილავთ მათ კანდიდატურას, მაგრამ არის ეს განწყობა, როგორ მივიღოთ მონაწილეობა წინასწარ წაგებულ თამაშში. ამდენად დღეს შევარჩევთ, გადავწყვეტთ კანდიდატურას ოთხშაბათ მოხდება მისი წარდგენა საზოგადოების წინაშე", - განაცხადა ირმა ინაშვილმა.
ირმა ინაშვილმა სხვა კანდიდატების დასახელებისგან თავი შეიკავა.