ოკუპირებული აფხაზეთის შემდეგ რუსეთის პრეზიდენტი ოკუპირებულ ყირიმში ჩასვლას გეგმავს. ვლადიმერ პუტინს ყირიმში 18-20 აგვისტოს ელოდებიან.

უკრაინულ მედიაში გავრცელებული ინფორმაციით, ის რუსული მოტოკლუბის „ღამის მგლების“ წევრებთან შეხვედრასაც გეგმავს.

გასულ თვეს რუსული ინტერნეტ-გამოცემები წერდნენ, რომ კრემლმა „ღამის მგლების“ დაფინანსება შეწყვიტა და მოტოკლუბს საპრეზიდენტო გრანტის გაცემაზე უარი უთხრა.

ყირიმში პუტინი 2017 წლის ივნისში იმყოფებოდა. ყირიმის ანექსია რუსეთმა 2014 წელს განახორციელა. აღნიშნულის გამო, რუსეთს სანქციები ევროკავშირმა და ამერიკის შეერთებულმა შტატებმა დაუწესეს. ყირიმის ანექსიის შემდეგ, ნატო-სა და რუსეთს შორის შეწყვეტილია პრაქტიკულ დონეზე თანამშრომლობა.