მაშველებმა ოზურგეთის მუნიციპალიტეტის სოფელ ძიმითში, მდინარე სუფსაში დამხრჩვალი გოგონას ცხედარი ცოტა ხნის წინ იპოვეს. საძიებო სამუშაოები ორი დღის განმავლობაში მიმდინარეობდა.
„ნაპოვნია გოგონას ცხედარი. ადგილზე უმძიმესი ვითარებაა“ - განაცხადა ოზურგეთის გამგებელმა მერაბ ჭანუყვაძემ საზოგადოებრივთან საუბრისას.
მდინარეში ორი მოზარდი გუშინ დაიხრჩო. 12 წლის ასაკის გოგონები მდინარეში საბანაოდ შევიდნენ და ისინი დინებამ გაიტაცა.
მაშველებმა ერთი გოგონას ცხედრის ამოყვანა გუშინვე შეძლეს. რამდენიმესაათიანი სამძებრო სამუშაოების მიუხედავად, მეორე მოზარდის პოვნა მხოლოდ ახლა გახდა შესაძლებელი.
შინაგან საქმეთა სამინისტროს ინფორმაციით, მომხდარ ფაქტზე გამოძიება საქართველოს სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
სამძებრო სამუშაოებში საგანგებო სიტუაციების მართვის სააგენტოს გურიისა და აჭარის შემადგენლობა იყო ჩართული.